Ikanos Metodologia
Ikanos Metodologia
Eusko Jaurlaritzaren egitasmoa da Ikanos, gaitasun digitalak gizarte osoan ezagutzera emateko, aintzat hartzeko, eta horien aurrerapena eta egiaztapena errazteko.
Ikanos ereduak tresna praktikoak dituen ibilbide-orri pertsonalizatua eskaintzen du, DigComp Gaitasun Digitalen Europako Esparrua oinarritzat hartuta.
Norentzat?
Euskadiko herritarrentzat, profesionalentzat eta enpresentzat, sektore eta tamaina guztietakoentzat.
Zer eskaintzen du Ikanosek?
- IKANOS metodologia 6 fasetan (Ezagutu, Ikuskatu, Aztertu, Orientatu, Ikasi eta Ebidentziatu), modularra, eta oso kontrastatua, gaitasun digitala areagotzeko eta autoikaskuntzako eta talde-laneko jarrera proaktiboa sustatzeko aukera ematen duena.
- Konpetentzia digitalak hobetzeko prozesu pertsonalizatua, Profil Digital Pertsonala ematen duen diagnostiko batekin hasten dena.
- Profil Digital Profesionalaren adibide ugari, helburu indibidualizatuak ezartzeko eta gaitasun digitalak eskuratzeko prozesu bati ekiteko aukera ematen dutenak, etengabeko ikaskuntzarako tresnak erabiliz (Long Life Learning), enplegagarritasuna hobetzea erraztuko dutenak.
- Etengabe eguneratzen ari den metodologia, produkzio-jardueran eta erabiltzaileen/bezeroen eskarian txertatzen ari diren gaitzaile teknologiko berrien garapenean arreta jartzen duena.
Herritarrentzako eta profesionalentzako onurak
- Ikanosek estrategiak eman nahi dizkie enpresei, beren erakundeetan talentua detektatu, sustatu eta informazio baliagarria eman behar baitiete beren ekipoak eraldaketa digitaleko prozesuetan egokitzeko.
- Ikanosek estrategiak eman nahi dizkie gaitasun digitalak erakutsi behar dituzten pertsonei, ikaskuntza-prozesuak amaitu ondoren, ebidentziak aurkeztuz edo prestigio handiko ziurtagiri homologatuak lortuz, haien enplegagarritasuna ziurtatuz, aukerak hobetuz eta kalitate handiagoko lanpostuetara iristea ahalbidetuz.
- Gaitasun digitalak hobetzeko funtsezko elementu bat izatea, hala nola Profil Digital Profesionala, jarduera digitalak eta horiek egiteko tresnak barne hartzen dituena. Ikanos ereduaren ekintzak eta estrategiak erabiltzaileen arabera egokitzen dira, kasu bakoitzean helburu egingarri batzuk eta horiek lortzeko prestakuntzako eduki multzoa proposatuz.
- Gaitasun digitalak gaitasun pertsonalekin edo Soft Skills-ekin konektatzea; izan ere, horietako asko gaitasun digitalizatu bihurtu dira. Giza baliabideetako sailek gehien eskatzen dituzten gaitasun bigunek dimentsio berria hartzen dute, gero eta gutxiago baitaude presentzialtasunaren mende, eta gero eta gehiago lan partekatu, banatu eta asinkronoaren mende.